14. september 2006 18:10 (1 lesandi hefur sagt álit sitt.)

Sumarið er komið

úh - úh úúú

Jæja bara sautján stiga hiti og fínerí í dag mar - það hlaut að koma að því - ég er búin að sitja úti í bíkiní með sangría raulandi grísk þjóðlög ...

Jah eða svona næstum því.

Það er reyndar búið að vera mjög heitt í dag og þegar ég kom heim þá sýndi hitamælirinn í bílnum seyjtán gráður og ekki lýgur jarsssssinnn. Er mér varð litið á hitamælinn snögghitnaði mér svo að lopapeysan var næstum fleygt út um gluggann og miðstöðin sett á frost.

Ég kom heim og ákvað að nú væri kannski bara dagurinn sem frúin skellti sér í labbitúr um græna haga og angandi lyng.

Um leið og ég var komin inn þá steingleymdi ég þessum fyrirætlunum og fór bara og lagði mig. 

Þegar ég svo hætti að nenna að leggja mig þá ákvað ég að nú skyldi ég fara í labbitúr - en þá var bara orðið kalt og komið rok... Æjsan.

Annars er bara allt gott að frétta - við lesum og lesum og vinnum verkefni alveg hægri vinstri. Í kvöld á að skila einu verkefni og á morgun hefst vinnuhelgi upp á Bifröst.

Það verður örugglega góður sprettur en líka gaman.

Og svo er dralonsdagur á sunnudaginn... veij og skál fyrir því...

kv. gje 

Til baka

yfirlit dagbókar